Plus dure que un dyamant

Details

Track 10 on CDA68103 [6'29]

Plus dure que un dyamant,
Ne que pierre d’aÿmant,
Est vo durté,
Dame, qui n’avez pité
De vostre amant,
Qu’ociés en desirant
Vostre amité.

Dame, vo pure biauté,
Qui toutes passe, a mon gré,
Et vo samblant,
Simple et plein d’umilité,
De douceur fine paré
En sousriant
Par un acueil attraiant,
M’ont au cuer en regardant
Si fort navré
Que jamais joie n’avré
Jusques a tant
Que vo grace qu’il atent
M’arez donné.

Plus dure [que un dyamant,
Ne que pierre d’aÿmant,
Est vo durté,
Dame, qui n’avez pité
De vostre amant,
Qu’ociés en desirant
Vostre amité.]

J’ay humblement enduré
L’amoureus mal et porté,
En attendant
Vostre bonne volenté,
Que j’ay en tous cas trouvé
Dure et poingnant,
Et quant tous en vo commant
Suis, je me merveil comment
Vostre bonté
M’a sa grace refusé,
Quant, en plorant,
Vous ay, et en souspirant,
Merci rouvé.

Plus dure [que un dyamant,
Ne que pierre d’aÿmant,
Est vo durté,
Dame, qui n’avez pité
De vostre amant,
Qu’ociés en desirant
Vostre amité.]

Helas, dame, conforté
Ne m’avez en ma grieté,
Ne tant ne quant.
Eins m’avez desconforté,
Si que tout desconfort hé.
Mais nompourquant
J’ameray d’ore en avant
Plus fort qu’onques mais, et quant
Mort et miné
M’ara vostre cruauté,
Qui m’est trop grant,
Lors sera bien apparant
Ma loyauté.

Plus dure que un dyamant,
[Ne que pierre d’aÿmant,
Est vo durté,
Dame, qui n’avez pité
De vostre amant,
Qu’ociés en desirant
Vostre amité.]

Guillaume de Machaut (c1300-1377)

Track-specific metadata for CDA68103 track 10

Artists

The Orlando Consort

Matthew Venner (countertenor)

Angus Smith (tenor)

ISRC

GB-AJY-16-10310

Duration

6'29

Recording date

1 May 2014

Recording venue

Parish Church of St John the Baptist, Loughton, Essex, United Kingdom

Recording producer

Mark Brown

Recording engineer

David Hinitt

Hyperion usage

Machaut: A burning heart (CDA68103)
Disc 1 Track 10
Release date: July 2016

Recordings

Details

Track-specific metadata for CDA68103 track 10