Je chevauchai

Details

Gothic Voices, Christopher Page (conductor), Margaret Philpot (alto), Christopher Page (lute)

Track 1 on CDH55282 [2'37]

Je chevauchai l’autrier la matinee;
Delez un bois, assez pres de l’entree,
Gentil pastore truis.
Mes ne vi onques puis
Si plaine de deduis
Ne qui si bien m’agree.
Ma tres doucete suer,
Vos avez tout mon cuer,
Ne vous leroie a nul fuer;
M’amor vous ai donee.

Vers li me tres, si descendi a terre
Pour li vöer et por s’amor requerre.
Tout maintenant li dis:
«Mon cuer ai en vos mis,
Si m’a vostre amor sorpris,
Plus vous aim que riens nee».
Ma tres doucete suer,
Vos avez tout mon cuer,
Ne vous leroie a nul fuer;
M’amor vous ai donee.

Ele me dist: «Sire, alez vostre voie!
Vez ci venir Robin qui j’atendoie,
Qui est et bel et genz.
S’il venoit, sanz contens
N’en iriez pas, ce pens,
Tost avrïez mellee».
Ma tres doucete suer,
Vos avez tout mon cuer,
Ne vous leroie a nul fuer;
M’amor vous ai donee.

«Il ne vendra, bele suer, oncor mie,
Il est dela le bois ou il chevrie.»
Dejoste li m’assis,
Mes braz au col li mis;
Ele m’a geté un ris
Et dit qu’ele ert tuee.
Ma tres doucete suer,
Vos avez tout mon cuer,
Ne vous leroie a nul fuer;
M’amor vous ai donee.

Quant j’oi tout fet de li quanq’il m’agree,
Je la besai, a Dieu l’ai conmandee.
Puis dist, qu’en l’ot mult haut,
Robin qui l’en assaut:
«Dehez ait qui en chaut!
Ç’a fet ta demoree».
Ma tres doucete suer,
Vos avez tout mon cuer,
Ne vous leroie a nul fuer;
M’amor vous ai donee.

Richart de Semilli (fl1200-1200)

Track-specific metadata for CDH55282 track 1

Artists

Gothic Voices

Christopher Page (conductor)

Margaret Philpot (alto)

Christopher Page (lute)

ISRC

GB-AJY-95-77301

Duration

2'37

Recording date

17 December 1994

Recording venue

Rickmansworth Masonic School Chapel, United Kingdom

Recording producer

Martin Compton

Recording engineer

Tony Faulkner

Hyperion usage

The Spirits of England & France, Vol. 2 (CDA66773)
Disc 1 Track 1
Release date: April 1995
Deletion date: June 2004
Superseded by CDH55282
The Spirits of England & France, Vol. 2 (CDH55282)
Disc 1 Track 1
Release date: July 2009

Recordings

Details

Track-specific metadata for CDH55282 track 1